Luís Romera incorpórase como novo comisario á Policia Nacional de Lugo
A subdelegada do Goberno, Isabel Rodríguez, deulle a benvida hoxe ao novo xefe provincial de Operacións da Comisaría da Policía Nacional en Lugo, o comisario Luis Miguel Romera Pérez, ao que recibiu esta mañá na Subdelegación do Goberno. Acompañou ao novo xefe provincial operativo na visita á subdelegada o comisario xefe principal José María Esteban.Corral.
Isabel Rodríguez repasou cos dous mandos policiais os aspectos máis destacados en materia de seguridade na provincia e reiterou o seu agradecemento polo exemplar servizo prestado na provincia polas Forzas e Corpos de Seguridade do Estado desde que se declarou a pandemia do coronavirus.
A subdelegada felicitouse pola incorporación dun novo comisario á Policía Nacional de Lugo e desexoulle os maiores éxitos no seu novo desempeño profesional. Lembrou que Lugo é unha provincia que sempre destaca polos seus índices de seguridade, e dixo que iso débese en boa medida á profesionalidade e dedicación dos funcionarios do Corpo Nacional de Policía da provincia e ao esforzo que realizan para a protección da cidadanía.
O comisario Luis Miguel Romera Pérez incorpórase á Comisaría de Lugo tras prestar 35 anos de servizo no Corpo Nacional de Policía, ao que se accedeu como policía en 1986.
Con anterioridade fora xefe da Unidade de Intervención de Valladolid e tamén estivo destinado en Vitoria, Vigo, A Coruña e Bilbao.
No seu historial profesional destaca a participación en distintos dispositivos de protección de importantes eventos celebrados en España, como os organizados con motivo do Cumio Mundial do Clima 2019, a Coroación da Súa Maxestade o Rei Felipe VI ou os Xogos Olímpicos de Barcelona 1992.
Está en posesión de 1 Cruz ao Mérito Policial con distintivo Vermello, 3 cruces ao Mérito Policial con distintivo Branco e 102 felicitacións públicas.
En canto á súa formación académica, é licenciado en Ciencias da Actividade Física e Deporte pola Universidade da Coruña, conta con un grao en Criminoloxía pola Universidade Rei Juan Carlos de Madrid e ten unha diplomatura en Ciencias Policiais pola Universidade de Salamanca.
Ademais, realizou cursos de Seguridade e protección de edificios, Planificación de dispositivos de seguridade en grandes eventos, Restablecemento do orde en establecementos penitenciarios e Dirección e mando de Unidades de Intervención Policial. Así mesmo, impartiu numerosos cursos sobre a especialidade de Orde Público e actuación en eventos de masas.