Máis de 150 ciclistas participarán esta fin de semana na Volta a Lugo Máster 2025
O Club Ciclista Chantadino presentou este mércores en Chantada a Volta a Lugo Máster 2025, que atravesará esta fin de semana a Ribeira Sacra lucense, entre Escairón e Chantada.
Máis de 150 corredores procedentes de toda Galicia, o norte de España e Portugal, citaranse esta fin de semana para percorrer a provincia en dúas etapas que se desenvolverán o sábado e domingo e que percorrerán un total de nove concellos.
O sábado, a proba sairá ás 15.45 horas dende a Praza de España de Escairón. Os ciclistas percorrerán un total de 17 quilómetros atravesando os concellos de Pantón, Monforte de Lemos, A Pobra do Brollón e Bóveda, para regresar ao punto de saída sobre as 18.30 horas.
O domingo, os ciclistas sairán sobre as 10.45 horas do Cantón, en Chantada. Pasarán polo Alto do San Roque, Taboada, Monterroso e Palas de Rei e regresarán á Chantada para finalizar a etapa na Praza do Mercado.