Máis de 50 comercios de Lugo sacan os seus negocios á rúa

O comercio de Lugo volve saír á rúa.

O comercio de Lugo volve saír á rúa. Distintos negocios puxeron en marcha a benvida á primavera, que conta coa participación de máis de medio cento de locais da cidade, na praza Maior.

O tenente Alcalde, Rubén Arroxo, acompañado pola concelleira de Participación, Cristina López, achegouse ata o lugar destacando que o comercio local é un sector estratéxico "tanto desde o punto de vista económico como da creación de emprego".

Durante toda a xornada, máis de 50 comercios da cidade abrirán postos de venta na rúa, en horario de 10.30 a 20.30, con distintas ofertas para todas as persoas que se acheguen. A Tenencia de Alcaldía e a asociación promotora do evento buscan con esta actividade dar comezo á campaña de primavera nas distintas tendas da cidade, e atraer á veciñanza para que realice as súas compras no comercio de proximidade.