Mañá elimínase a cita previa nas piscinas municipais lucenses nalgúns horarios
O Concello de Lugo informa que a partires do mércores, 3 de novembro, se elimina a cita previa nas Piscinas Municipais de Frigsa e As Pedreiras nalgún dos tramos de horarios.
De tal xeito que “os deportistas poderán acceder libremente ata acadar o aforo do 90% permitido nas instalacións, feito que será controlado polo persoal”, segundo explican, ao tempo que lembran que permanecerán en vigor o resto das normas sanitarias establecidas, a fin de cumprir os protocolos e garantir a seguridade dos usuarios.
Así, de luns a venres o horario na piscina de Frigsa sen cita previa será de 7:00 a 15:45 e con cita de 15:45 a 22:30 horas. Na das Pedreiras sen cita previa será de 8:00 a 15:30 e con cita de 15:30 a 22:30 horas.
Os teléfonos das piscinas son 982 297 423 Frigsa, e, 982 297 310 As Pedreiras.
A partir do 3 de novembro, todos os sábados e domingos as Piscinas Municipais terán o acceso libre ata acadar o aforo do 90% permitido nas instalacións, en horarios tanto de mañá coma de tarde e ambas as dúas piscinas.