Manuel Curiel presenta este luns o seu libro sobre os 70 anos de cine en Galicia

O libro percorre a historia das tres xeneracións da familia Baños

Dentro da Semana de Cine de Lugo, o luns, ás 20,00 horas, na Deputación Provcincial, vaise presentar o libro Baños Films, 70 anos de cine en Galicia, do que é autor Manuel Curiel Fernández.

O libro percorre a historia das tres xeneracións da familia Baños (Emilio Baños, pai; Emilio, fillo; e os netos Emilio e Pablo) dedicados á distribución de cine en Galicia os últimos setenta anos, e vencellados á Semana de Cine de Lugo desde o seu nacemento en 1979.

Na presentación intervirá Manuel Curiel, membros da familia Baños, e representantes das institucións que apoian a Semana de Cine. O acto será de entrada libre, e os asistentes recibirán cadanseu exemplar do libro.