Marta Mariño visita as sedes de Juan Soñador e Cruz Vermella en Lugo
![visita-marta-marino-juan-sonador](https://lugoxa.com/wp-content/uploads/2024/07/visita-marta-marino-juan-sonador.jpg)
A directora xeral de Traballo Autónomo e Economía Social, Marta Mariño, visitou en Lugo dúas entidades de apoio ao emprego a persoas en risco ou situación de exclusión social. Primeiramente, acompañada do delegado territorial da Xunta en Lugo, Javier Arias, visitou a sede lucense da Fundación Juan Soñador, centrada na prevención, educación e promoción social integral de persoas e familias especialmente vulnerables.
Máis tarde, a directora xeral estivo nas instalacións da Cruz Vermella en Lugo, onde destacou o seu traballo a prol da igualdade de oportunidades no mercado laboral, potenciando e reforzando a empregabilidade das persoas en situación de desvantaxe a través da mellora das súas habilidades e capacidades e da loita contra as barreiras sociais que aínda existen.