Monterroso acollerá o vindeiro domingo unha das etapas da Volta a Lugo Máster
Monterroso acollerá o vindeiro domingo unha das etapas da Volta a Lugo Máster, unha prestixiosa proba ciclista que reunirá preto de 150 corredores durante a fin de semana.
A presentación oficial do evento tivo lugar en Monterroso e contou coa presenza do alcalde, Eloy Pérez, o concelleiro Balbino Martínez e o director técnico da proba, José Ramón Caamaño, membro do Club Ciclista Chantatino, entidade organizadora do evento.
O Concello de Monterroso reafirma o seu compromiso co deporte patrocinando o Gran Premio de Montaña, unha das clasificacións máis disputadas da competición.
O alcalde Eloy Pérez destacou a relevancia de formar parte deste evento deportivo, sinalando que 'reúne aos mellores corredores galegos da categoría'.
A Volta a Lugo Máster desenvolverase durante o sábado e o domingo, levando o mellor ciclismo de estrada a distintas localidades da provincia. Con esta participación, Monterroso consolídase como un punto de referencia no circuíto galego de competicións ciclistas.