Monterroso está a acoller a tradicional Feira de Santos, unha cita declarada de Interese Turístico de Galicia
![feira santos monterroso 2023 2](https://lugoxa.com/wp-content/uploads/2023/11/feira-santos-monterroso-2023-2.jpg)
O Concello de Monterroso está a acoller hoxe a tradicional Feira de Santos, unha cita declarada de Interese Turístico de Galicia. Ademais, o Goberno municipal está facendo as xestións pertinentes para solicitar que sexa declarada de Interese Turístico Nacional, xa que a celebración está documentada desde o ano 1219.
Esta actividade reúne na localidade a miles de persoas que desfrutarán dun enorme escaparate de produtos de temporada, así como da gastronomía, música, cultura e tradición, dentro da Feira das Feiras, a Feira de Santos.
Toda a vila énchese de postos, con gran variedade de produtos, nos que se puideron mercar dende queixos, produtos de tempada como castañas ou mel ata artesanía e roupa.
A Feira de Santos conta ademais cunha feira de gando, haberá música para amenizar a xornada e tamén a posibilidade de poder gozar dun rico polbo a feira.