Navia de Suarna acolle, este sábado, a representación da obra ‘A viaxe do Señor López’

Organizado pola Asociación Irmandade Naviega e coa colaboración da Deputación de Lugo, o evento será ás 19.00 horas

Navia de Suarna acolle, este sábado 28 de decembro, a representación da obra ‘A viaxe do Señor López’ da Compañía Señor López.

Organizado pola Asociación Irmandade Naviega e coa colaboración da Deputación de Lugo, o evento será ás 19.00 horas no bar-discoteca Suarna e anímase a toda a veciñanza a participar.

O señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan característica do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O señor López convértese nun paxaro-inuit.