Néboa acolle a inauguración da exposición 'Cando a paisaxe se fixo verba' de Christian Villamide
A Galería NÉBOA de Lugo acollerá o vindeiro venres 4 de abril, ás 19.30 horas, a inauguración da exposición individual Cando a paisaxe se fixo verba do artista lugrés Christian Villamide (Lugo, 1966), comisariada por Paula Cabaleiro. A mostra estará aberta ao público ata o 31 de maio.
A exposición explora a arte como un medio para cuestionar a crecente desconexión entre os seres humanos e a natureza, centrando a súa atención na paisaxe como unha construción cultural que reflexa a forma en que vivimos e entendemos o mundo. A través do seu traballo, Villamide propoñerá unha crítica ao impacto do progreso e do capitalismo, que transformaron o natural nun espazo de conflito, onde a materia se converte nun campo de batalla e o poder se asocia coa destrución do entorno.
As pezas escultóricas de Villamide, que reconfiguran materiais, invitan á reflexión sobre como a paisaxe se transformou nun símbolo do sometemento humano e destacan a necesidade de recuperar a contemplación e o respecto pola natureza. O artista ofrece un potente mensaxe de alerta, instando a repensar a nosa relación co medio natural antes de que sexa demasiado tarde.
A inauguración contará cun aperitivo por cortesía de Gandería Quintián e Adegas e Viñedos Lareu, dando a oportunidade de gozar dun ambiente acolledor mentres se aprecia a obra de Villamide.
Desde a organización, invítase a todas as persoas interesadas a acompañar esta importante cita cultural en Lugo, para apoiar o arte contemporáneo local e difundir este mensaxe que pon en valor a reflexión sobre o medio ambiente.