Novas incorporacións na Subdelegación grazas ao programa 'Primeira experiencia profesional nas administracións públicas'
A Subdelegación do Goberno en Lugo conta dende principios do mes de abril con tres novas incorporacións. Trátanse de dous mozos e unha moza que estaban en situación de desemprego menores de 30 anos que participan no programa de Primeira Experiencia Profesional nas Administracións Públicas.
Estes mozos asinaron un contrato de traballo en prácticas por un ano de duración coa Delegación do Goberno para desenvolver o seu traballo na Subdelegación do Goberno de Lugo. Durante os tres primeiros meses de traballo contarán cunha persoa, empregada pública, que lles guiará como titora e prestará asesoramento e apoio de acordo a un itinerario formativo supervisado polo SEPE (Servicio Público de Emprego). Ademais, recibirán un salario acorde co seu nivel académico e segundo as táboas salariais da Administración.
A subdelegada do Goberno, Isabel Rodríguez, mantivo un encontro cos mozos para darlles a benvida e coñecer máis de cerca as primeiras impresións deste programa. Nesta liña, subliñou a importancia deste programa xa que supón importantes beneficios para ámbalas dúas partes. Por unha banda a Administración incorpora a xente nova con perfís profesionais que non existen no persoal e con amplos coñecementos no ámbito dixital. E por outra banda, as persoas participantes acadarán unha competencia profesional que de seguro será moi relevante para o seu futuro, ademais de adquirir coñecementos e experiencias na Administración Pública que lles poda motivar para converterse en empregados e empregadas públicas no futuro.
A subdelegada encomiou tamén o Plan de Recuperación, Transformación e Resiliencia, grazas co cal se puido contratar e realizar este plan de primeira experiencia profesional nas Administracións Públicas, un plan encargado de distribuír os fondos europeos para superar as consecuencias que deixou a pandemia. Un programa pioneiro no ámbito público que ten como obxectivo contratar a xente nova, de menos de 30 anos, desempregada, para que adquiran unha experiencia profesional no seo das administracións públicas.
Concretamente, na Subdelegación do Goberno de Lugo dous dos participantes adquirirán competencias en tratamento documental e dixitalización de arquivos mentres que un farao en comunicación pública.
O Programa de Primeira Experiencia Profesional das Administracións Públicas ofrece unha primeira experiencia laboral nas Administracións Públicas a persoas novas desempregadas que completasen a súa educación formal. Adquirirán competencias non técnicas e aptitudes inter persoais traballando en desempeños relacionados coa dobre transición, enerxética e dixital, a asistencia social e a cohesión territorial.