Novo éxito en Pol do Campus Kingtela de baloncesto

A experiencia reúne a 150 inscritos, de entre 7 e 18 anos, no colexio da localidade durante toda a semana, desde o 28 de xuño ata o sábado 5 de xullo

O delegado territorial de Lugo, Javier Arias, visitou aos participantes do Campus Kingtela de baloncesto, que dirixen en Pol os xogadores profesionais Érik e Sergi Quintela e conta co apoio da Xunta de Galicia.

A experiencia reúne a 150 inscritos, de entre 7 e 18 anos, tanto en réxime externo como interno, con aloxamento no colexio Rosalía de Castro da localidade durante toda a semana -desde o 28 de xuño ata o próximo sábado 5 de xullo-.

Arias subliñou que o campus “achega unha alternativa de ocio saudable, fomenta o deporte e contribúe a formar aos xogadores do futuro, tanto na técnica do baloncesto como nos valores inherentes a este deporte, que require esforzo, compromiso e traballo en equipo”.