Deportes

A cita será o 6 de setembro na praza do Castiñeiro con actividades, xogos e sorteos para os máis pequenos

O Abella Fútbol Club organiza en Lugo a segunda edición do evento solidario “Un neno, un balón”, que se celebrará o 6 de setembro de 2025, en horario de 17 a 20 horas, na praza do Castiñeiro.

Como o ano pasado, haberá colchonetas hinchables, pinta caras e os nenos poderán xogar ao fútbol cos equipos actuais do Abella FC. Ademais, repartirase merenda para os participantes.

Durante a xornada sortearanse 100 balones e 100 camisetas entre os asistentes. Xa está confirmada a presenza dos xogadores de Máximus e Nabic, mentres se agarda a confirmación do calendario do CD Lugo para coñecer a súa participación.

Esta iniciativa solidaria busca fomentar a práctica deportiva entre os máis novos e achegar diversión e alegría a toda a comunidade.