O Arde Lucus pecha a súa XXIV edición co apagado do lume sagrado de Vesta
O Arde Lvcvs 2025 chega ao seu fin este domingo cunha xornada cargada de actividades que pechan por todo o alto unha edición marcada pola gran afluencia de público. As rúas de Lugo, cheas de vida e historia, despiden esta festa de recreación romana e castrexa cunha programación que promete emocións ata o último momento.
A intensa xornada de celebración do Lvcvs Avgvsti comezará ás 11:00 horas coa apertura do Macellum e do Castra, que se estenderán pola Praza Maior e o Parque Rosalía de Castro. Un pouco despois, ás 11:30 horas, terá lugar un animado desfile protagonizado polos escolares de numerosos centros educativos da cidade, que percorrerán as rúas desde a Praza de Santo Domingo ata a Porta de San Fernando.
Ás 11:35 horas, no Castra de Lvcvs Avgvsti, comezará un obradoiro de confección de pulseiras organizado por Civitas Lvcensis. Case ao mesmo tempo, ás 11:45 horas, encherase a Praza Nemesio Cobreros cos talleres de fundición e cantería da man de Trebas Galaicas. Pouco despois, ás 11:50 horas, soará A chamada no fondo da Praza Maior.
O público poderá asistir ás 12:00 horas á escola de gladiadores na Praza de Santa María, mentres que ás 12:10 horas a cidade será percorrida por Bellicrepa. O Theatrum “Barbari Venient” terá lugar ás 12:15 horas na Praza do Campo Castelo. Ás 12:30 horas, celebraranse as tradicionais vodas romanas, a Confarreatio, no quiosco da Praza Maior. A esta seguirán novas propostas como O deus do bosque e Saboreando o Absinthivm, antes da Boda Galaica que se realizará ás 13:00 horas no Castra de Lvcvs Avgvsti.
Durante o mediodía, o ambiente continuará cunha degustación de Libvm ás 13:10 horas, unha nova representación teatral ás 13:30 horas e os Tambores de Braga ás 13:45 horas. Ás 14:00 horas, na Praza do Campo, terá lugar a Arenga de Lvcvs Icenas Miliatore.
Pola tarde, a actividade retómase ás 16:00 horas coa presenza de novo dos Tambores de Braga, seguidos ás 16:30 horas polos combates de gladiadores. Os Oráculos do Fauno chegarán ás 16:45 horas e ás 17:00 horas haberá teatro infantil na Praza Santa María. Ao longo da tarde celebraranse tamén actividades como os Bautismos Celtas, exhibicións de música ancestral, procesos têxtiles e novas funcións teatrais.
Entre as 18:00 e as 20:00 horas, as rúas e prazas da cidade converteranse nun escenario vivo coa celebración das Bodas Celtas, o tallado do deus Lvgh, unha nova escola de gladiadores e a recreación do nacemento do pobo galaicorromano.
Finalmente, ás 21:30 horas, porase fin á xornada co apagado do lume sagrado de Vesta no templo das vestais, situado no fondo da Praza Maior, poñendo un broche simbólico a un día de intensa conexión co pasado romano e galaico de Lugo.
CONSULTA A PROGRAMACIÓN COMPLETA DO ARDE LUCUS 2025