O Auditorio Gustavo Freire acolleu a XIII Gala de Danza a favor de Unicef
O Auditorio Gustavo Freire acolleu a XIII Gala de Danza a favor de Unicef, organizada polos alumnos do Conservatorio de Danza Profesional de Lugo, nos graos elemental e profesional.
Á actuación, na que o alumnado ofreceu diversas coreográficas que amosaron o seu traballo en diferentes disciplinas, acudiu a deputada provincial de Muller e Igualdade, Marisol Morandeira; a deputada provincial de Cultura, Iria Castro; a concelleira de Cultura, Maite Ferreiro; a edil de Participación, Cristina López; e o delegado territorial da Xunta, Javier Arias; entre outros.
Maite Ferreiro destacou "a importancia" da colaboración da área de Cultura do Concello de Lugo co Conservatorio de Danza na difusión desta arte entre a veciñanza.
Os fondos recadados destinaranse integramente aos programas de Unicef, co obxectivo de garantir os dereitos da infancia a nivel global.
O CDAN, o único centro profesional de danza dependente da Xunta, iniciou a súa actividade hai vinte anos e actualmente conta cuns 250 estudantes matriculados.