O Auditorio Gustavo Freire de Lugo acolle unha mostra de repertorio de danza contemporánea

Esta mostra representa unha oportunidade para que o alumnado do Grao Profesional da especialidade de Danza Contemporánea mostre o aprendido ao longo do ano

O alumnado de Grao Profesional da especialidade de Danza Contemporánea presentará o martes, 18 de marzo, a súa Mostra de Repertorio no Auditorio Gustavo Freire de Lugo.

A partir das 20.00 horas, o público poderá disfrutar das pezas de repertorio que os estudantes traballaron durante o curso, nun espectáculo cheo de talento e emoción.

Esta mostra representa unha oportunidade para que o alumnado amose todo o aprendido ao longo do ano, facendo gala da súa técnica, creatividade e capacidade para transmitir emocións a través do movemento.