O BNG de Lugo celebrará un acto público aberto na praza Anxo Fernández Gómez

A cita contará con intervencións políticas e unha actuación musical das pandereteiras de Galiza Nova

O Bloque Nacionalista Galego de Lugo convoca un acto público aberto á cidadanía que terá lugar o próximo martes 16 de xullo ás 20:00 horas na praza Anxo Fernández Gómez, situada na cidade de Lugo.

No evento participarán diversas voces vinculadas á organización nacionalista. Intervirán Brenda González, integrante de Galiza Nova; Rubén Arroxo, tenente de alcalde de Lugo; e Néstor Rego, deputado do BNG no Congreso dos Deputados.

Ademais das intervencións políticas, a cita contará cunha actuación musical a cargo das pandereteiras de Galiza Nova, achegando un toque cultural ao encontro.