O Boxing Club Cidade de Lugo chega á final do Campionato de España en Idade Escolar

Uxue Ponga clasificouse para a final e Osmel Alonso faino para as semifinais

Estase a disputar o Campionato de España en Idade Escolar no municipio almeriense de Níjar, onde hai dous representantes do Boxing Club Cidade de Lugo. Uxue Ponga clasificouse para a final que terá lugar o sábado. Por outra banda, Osmel Alonso disputou o combate de cartos de final ante o representante de Murcia, Alfonso Esola levándose a vitoria aos puntos por decisión unánime dos tres xuíces e clasificándose así para as semifinais que terán lugar este xoves.