O CD Dez Portas TM Lugo protagonizou un intenso fin de semana nas distintas competicións
Os equipos do CD Dez Portas TM Lugo viviron unha xornada cargada de acción con actuacións notables e varios encontros de alto nivel nas distintas competicións nacionais e autonómicas.
Na 1ª División Nacional, o CD Dezportas Restaurante Carlos superou con claridade ao Café Quijano Gijón TM por 5–1, asinado unha das mellores actuacións da tempada e mantendo o ritmo na loita polas posicións altas da Liga de Bronze.
Na 2ª División Nacional, o CD Dezportas Contafis Todoxestión caeu por 2–4 ante Conxo TM Zoolandia nun encontro traballado e igualado, mostrando carácter e mantendo a progresión das últimas semanas.
En 3ª División Nacional, o CD Dezportas Caixa Rural Galega perdeu por 1–4 ante Carrasco-García Clínica Dental, nun partido complicado fronte a un rival sólido, pero mantendo intensidade e compromiso.
Na 1ª División Galega, o CD Dezportas Goce Viajes logrou un contundente 4–1 ante Central Asesora Firacris Narón, confirmando o bo momento do equipo e a súa presenza na parte alta da clasificación. Mentres, o segundo equipo da categoría, CD Dezportas Galiciadigital, perdeu por 1–4 ante San Xoán TM, deixando boas sensacións individuais e momentos de alto nivel técnico.