O CD Lugo cesa a Joan Carrillo como adestrador

O Club Deportivo Lugo cesa o adestrador Joan Carrillo que deixa ao club lucense na última posición con só 23 puntos

O CD Lugo determinou no día de hoxe o cese de Joan Carrillo como adestrador do primeiro equipo. Carrillo convértese así no terceiro adestrador desta tempada en dirixir ao equipo alvibermello e deixa ao club lucense como colista cun total de 23 puntos empatados co UD Ibiza.

Desde o CD Lugo queren "agradecer o seu traballo, profesionalidade e implicación durante a etapa na que formou parte desta institución. Do mesmo xeito, deséxanselle os maiores éxitos persoais e profesionais no futuro".

O club comunicará proximamente o nome do novo adestrador do primeiro equipo da entidade.