O CD Lugo perde ante o Amorebieta pero seguirá en Primeira RFEF o ano que vén

Encaixaron un único gol no primeiro tempo que non foron quen de contrarrestar

O CD Lugo logrou esta tarde a permanencia en Primeira RFEF malia perder ante o Amorebieta por 1-0.

Mal partido para os lugueses, que dependían deles mesmos para manterse e fallaron ao encaixar o único gol do partido, ao 20 minutos do arranque. Intentou reaccionar o Lugo pero ao final non logrou dar un bo espectáculo ante os afeccionados que se desprazaron ata o Urritxe.

Malia o resultado adverso, foi a derrota de Osasuna B e Real Unión, o que os mantén en Primeira logo doutra tempada que non convenceu, agora baixo a batuta de Álex Ortiz.