O centro de convivencia Maruja Mallo acolle unha charla informativa polo día de menopausa
A Concellería de Muller e Igualdade celebrará o Día da Menopausa cunha charla-merenda informativa para afondar nesta etapa vital da muller. Será o propio día da menopausa, que se conmemora o 18 de outubro, ás 18.00 horas, no salón de actos do centro de convivencia Maruja Mallo. A entrada é libre e gratuíta.
Silvia Alonso explicou que a actividade ten como obxectivo "profundizar nos síntomas da menoapusa e nas accións para previr os síntomas e combatelos, rachar cos mitos que a rodean e dar a coñecer os tratamentos dispoñibles". Nesta liña, fixo un chamamento para que a veciñanza participe nesta cita.
A charla correrá a cargo de Berta Pérez Landín, responsable técnico do CIM do Colexio Oficial de Farmacéuticos de Lugo, quen colabora coa Concellería na visibilización desta data. Nesta liña, Concello e Colexio Oficial editaron diversos folletos que se entregarán en todas as oficinas de farmacia do municipio de Lugo.
