O centro de Lugo vestirase de cores co desfile de Entroido organizado polo Colexio Marista
O centro de Lugo vestirase de cores e alegría co desfile de Entroido organizado polo Colexio Marista A Inmaculada.
O desfile comezará ás 12.30 horas, coa saída do alumnado desde o colexio, para percorrer as rúas de Campo Castillo, San Pedro e a zona peonil de A Mosqueira.
Ao longo do percorrido, os participantes, vestidos cos seus disfraces máis orixinais, encherán as rúas de música, risas e moita diversión.
Despois da marcha, os estudantes regresarán ao centro educativo, onde se celebrará un desfile de comparsas e individual, con premios para os disfraces máis creativos en distintas categorías.
Unha das novidades deste ano será o enfoque ecosocial do evento. Como parte dun proxecto sostible, os alumnos de 1.º de ESO organizaron un mercadillo de disfraces usados, fomentando a reutilización de traxes e promovendo unha festividade máis responsable co medio ambiente. Así, os estudantes poderán atopar disfraces reutilizables, contribuíndo ao coidado do planeta mentres gozan das celebracións.