Deportes

O Club Deportivo Lugo e o RCD Espanyol chegaron a un acordo para a cesión do xogador

O Club Deportivo Lugo e o RCD Espanyol chegaron a un acordo para a cesión do xogador Roger Martínez ao club albivermello ata final de tempada. Roger (Badalona, 2004) é un mozo centrocampista que, con só 20 anos, acumula 80 partidos co filial perico, chegando a debutar co primeiro equipo tanto en Copa do Rey como na Liga.

Ademais, foi internacional coa Selección Española de Fútbol en todas as categorías inferiores desde sub-15 ata sub-19. O novo xogador albivermello incorporarase nos próximos días á dinámica de adestramentos do grupo, e a data da súa presentación será anunciada proximamente.