O club ciclista Quercus-Aper organiza a I Copa BTT de resistencia este domingo
![proba ciclismo resistencia galego portada](https://lugoxa.com/wp-content/uploads/2023/03/proba-ciclismo-resistencia-galego-portada.jpg)
Lugo acollerá este domingo 2 de abril a I Copa 3 Horas Resistencia, organizada polo club ciclista Quercus-Aper, esta será a primeira proba que se celebra na provincia desta modalidade, cuxo obxectivo é percorrer a maior distancia posible no tempo marcado.
O escenario da proba, que comezará ás 10.00 horas na explanada do Pazo de Feiras e Congresos, será un circuíto de seis quilómetros de distancia e 200 metros acumulado de desnivel polo Monte Segade.
A recollida de dorsais será o mesmo día 2 de abril en horario de 8.00 a 9.30 e as categorías da proba serán Sub23 Fem, Sub23, Master 60 Fem, Master 60, Master 50 Fem, Master 50, Master 40 Fem, Master 40, Master 30 Fem., Master 30, Junior Fem., Junior, Élite Fem, Élite, Cadete Fem, Cadete, Élite UCI.
Alberto Sánchez, de Quercus-Aper, agradeceu a colaboración da Comunidade de Montes de Orbazai na creación desta proba, poñendo a disposición do club os terreos para habilitar o circuíto, con características moi singulares xa que, a diferenza doutros, o percorrido é sempre por sendeiros no monte e con zonas técnicas de subida e baixada
![proba ciclismo resistencia galego](https://lugoxa.com/wp-content/uploads/thumbs/2023/03/proba-ciclismo-resistencia-galego-200x282.jpg)