O club de billar Adai celebra en xuño a cuarta edición do seu torneo
Coincidindo coa feira grande de Adai, retorna un ano máis o torneo co club e billar de Adai, que chega a súa cuarta edición e terá lugar os días 22 e 23 de xuño. O formato do torneo será bola-9 a 6 partidas gañadas (7 a partir do KO directo). Limitarase a participación a 48 xogadores, pero no caso de ser menos de 32 persoas o torneo terá lugar nun só día o sábado 22.
Tamén se celebrará o Break&Run fin de tempada, no que sortearán unha e outra vez ata esgotar o bote completo que este ano roza os 1500. A cuota de inscrición é de 30+5 extra para os non socios (no caso de xogadores de categoría junior a inscrición reducida de 10+5). Deste xeito, repartirase o 100 % das inscripcións en premios para os 8 primeiros: 600 para os primeiros, 280 para os segundos e 130 e 75 para os que queden en terceiro e cuarto posto respectivamente.
A inscrición deberá abonarse a través de transferencia bancaria á conta do club: ES08 3070 0007 1362 9702 6822 (CAIXA RURAL). Haberá que presentar o xustificante á organización vía WhatsApp ou a vía mail ao correo clubdebillaradai@gmail.com. A data límite de inscrición será o luns 17 de xuño ás 12.00 horas.