O Club de Billar Adai celebra este sábado o Open Júnior de Verán
O Club de Billar Adai organiza o Open Júnior de Verán este sábado. Trátase dun pequeno torneo para xuntar nenos, nenas, pais e nais e desfrutar todos xuntos desta práctica. A modalidade a desputar será bóla-8 e a inscrición son 5 euros. Ademais farán un parón para xantar na Parrilla O Corgo, cun menú consistente en entrantes e churrasco con prezo de 15 euros por persoa.
O formato a xogar será todos contra todos divididos en 4 grupos de 4 participantes, pasando os 2 mellores de cada grupo a un cadro final de 8 a KO directo. A hora de inicio será ás 9.30 horas e a indumentaria non é obrigatoria. Con esta nova proposta o club pretende que todos os que se animen a tomar parte desfruten da xornada, á vez que seguen poñendo en valor e dándolle visibilidade a esta disciplina.