O Club Deportivo Lugo Genuine participou na terceira fase de LALIGA GENUINE
O Club Deportivo Lugo Genuine participou este fin de semana na terceira fase de LALIGA GENUINE, que tivo lugar en Burgos, onde viviron unha experiencia chea de emocións, novas amizades e os valores que definen esta competición.
A cita, que se celebrou nas instalacións deportivas de Castañares, reuniu a máis de 500 xogadores e xogadoras de 22 clubs de toda España, convertendo á cidade burgalesa nun exemplo de inclusión e deportividade.
Durante a xornada do sábado, o conxunto albivermello disputou dous intensos encontros nos que deixou claro o seu espírito de loita tanto no terreo de xogo como fóra del. No seu primeiro partido, o CD Lugo logrou un 0-2 a seu favor fronte ao Racing de Ferrol. Pola tarde, o equipo lucense sumou unha nova vitoria, esta vez ante o Real Zaragoza, cun marcador de 2-1. Non obstante, máis alá dos resultados deportivos, o realmente importante foi a demostración dos valores fundamentais desta competición: o respecto, a inclusión, a amizade e a alegría compartida.
Desde o club, deséxase agradecer a LALIGA e ao Burgos CF pola cálida acollida e por facer posible este inesquecible fin de semana. O CD Lugo Genuine segue sumando experiencias que deixan unha pegada profunda, sempre co corazón posto no xogo. A tempada chegará ao seu fin nas Instalacións de Lezama (Bilbao), onde se celebrará a cuarta e última fase os días 30 de maio, 1 de xuño e 2 de xuño.