O Club Fluvial de Lugo organiza cursos de verán para iniciarse no piragüismo
LugoXa
O Club Fluvial de Lugo organiza cursos de verán para iniciarse no piragüismo.
13 Maio 2024
O Club Fluvial de Lugo organiza cursos de verán para iniciarse no piragüismo. As actividade desenvolveranse nos meses de xuño, xullo, agosto e setembro de 17.00 a 18.00 e de 18.00 a 19.00 horas. Son cursos quincenais de iniciación dirixidos á rapazada de 6 a 16 anos e de 17 anos en diante baixo un prezo de 50 euros.
As quendas son do 1 ao 16 e do 17 ao 30 de xuño, do 1 ao 14 e do 15 ao 28 de xullo, do 29 de xullo ao 11 de agosto, do 12 ao 25 de agosto e do 26 de agosto ao 8 de setembro. A actividade conta coa colaboración da Deputación de Deportes de Lugo.