O clube de lectura “Letras de Castroverde” retoma a súa actividade en setembro

Un espazo para compartir experiencias lectoras e reflexionar sobre os libros escollidos

En febreiro botou a andar en Castroverde o clube de lectura para adultos “Letras de Castroverde”. Nel, un grupo de persoas amantes da lectura xúntase para compartir a súa experiencia arredor dun libro previamente escollido, comentar o que lles pareceu, o que lles achegou, impactou ou deixou indiferente.

Tras a pausa do verán, o clube volverá en setembro co obxectivo de seguir creando un espazo de encontro e diálogo arredor da lectura, a escritura, as mensaxes e os significados dos textos.

Se che gusta ler e queres participar nesta experiencia colectiva, serás benvida ou benvido.