Deportes

O club lucense impúxose por diante do CN Ferrol nun campionato con 25 equipos e 246 nadadores

Durante a pasada fin de semana celebrouse na piscina de Cervo o Campionato Galego Alevín de natación, unha cita que reuniu a 25 equipos e un total de 246 nadadores e nadadoras de toda Galicia.

Nesta nova edición, o Club Natación PortaMiñá volveu demostrar a súa hexemonía na natación autonómica ao facerse co título de campión galego, por diante do Club Natación Ferrol.

O equipo lucense destacou tanto en probas individuais como en relevos. No plano individual, os seus deportistas lograron un total de 6 medallas de ouro, 5 de prata e 4 de bronce. Ademais, nas probas de relevos sumaron 2 ouros máis e outras 4 pratas, consolidando así o seu liderado na clasificación xeral.