O Concello de Antas de Ulla organiza o programa ‘Maiores Activos’ en Dorra e Olveda
O Concello de Antas de Ulla continúa co seu compromiso de mellorar a calidade de vida dos maiores e, tras o éxito do programa no núcleo do municipio, decidiu levalo ás vilas de Dorra e Olveda.
O obxectivo é fomentar a actividade física e mental dos maiores, promovendo unha vida máis saudable e activa.
O programa, que se desenvolverá en horario de mañá, ofrecerá dous tipos de actividades. Os luns, mércores e venres realizaranse sesións de ximnasia adaptada, enfocadas no movemento suave e eficaz para mellorar a mobilidade, a forza e o benestar. Os martes e xoves estarán dedicados a exercicios de memoria e destreza, deseñados para activar a mente, mellorar a concentración e fortalecer as relacións sociais.
As prazas son limitadas, polo que os interesados deben reservar a súa praza chamando ao 982 379 251, enviando un correo electrónico a maioresactivosantas@gmail.com ou acudindo ás oficinas dos Servizos Sociais do Concello.