O Concello de Antas de Ulla organiza unha campaña de recollida de xoguetes

Os lugares habilitados para que as persoas interesadas poidan levar estes obxectos serán o Concello de Antas de Ulla e no CEIP Plurilingüe Antas de Ulla

O Concello de Antas de Ulla organiza unha campaña de recollida de xoguetes para darlles unha nova vida e facer que máis nenos e nenas poidan desfrutar este Nadal.

Desta maneira, serán aceptados xoguetes en bo estado, quebracabezas e xogos de mesa en bo estado e con todas as pezas e libros en bo estado.

Os lugares habilitados para que as persoas interesadas poidan levar estes obxectos serán o Concello de Antas de Ulla e no CEIP Plurilingüe Antas de Ulla e poderán facelo ata o vindeiro 19 de decembro.