O Concello de Baralla pon en marcha un concurso fotográfico

As persoas interesadas en enviar as súas imaxes para formar parte deste calendario poderán facelo ata o 24 de novembro

O Concello de Baralla pon en marcha un concurso fotográfico para conformar o calendario veciñal do ano 2025.

As persoas interesadas en enviar as súas imaxes para formar parte deste calendario poderán facelo inscribíndose por correo electrónico ao seguinte enderezo: concellobaralla@concellobaralla.es ata o vindeiro 24 de novembro incluído.

As fotografías deben ser enviados en formato JPG ou JPEG e o máximo que poden pesar os arquivos son 10 mb no total das tres fotografías que se poden mandar como máximo.

O encadre das imaxes terá que ser horizontal e adaptable ao tamaño 10 x 12 cm, co fin de non ter que recortar as fotografías ou parte das mesmas para adaptala á maquetación do calendario.