O Concello de Castroverde organiza o seu Campus de Nadal

As actividades terán lugar os días 23, 24, 26, 27, 30 e 31 de decembro e os días 2 e 3 de xaneiro

O Concello de Castroverde organiza o Campus de Nadal Concello de Castroverde 2024-2025, que terá lugar os días 23, 24, 26, 27, 30 e 31 de decembro e os días 2 e 3 de xaneiro.

Durante eses días e en horario de 10.30 a 13.30 horas, os nenos farán adornos de Nadal, xogos tradicionais, postais de Nadal, contacontos, carta aos Reis Magos, panxoliñas, xincanas, baile, música… no concello vello.

As familias interesadas en que os seus pequenos de entre 3 e 12 anos participen neste campamento, terán que apuntarse antes do 18 de decembro e pagar un custo de 12 euros os empadroados e de 20 euros os que non están empadroados.