O Concello de Castroverde organiza unha xornada informativa con entrega de composteiros

O posto informativo estará aberto de 10.30 a 13.30 horas na Feira de Castroverde

O vindeiro 23 de marzo terá lugar unha nova xornada informativa con entrega de composteiros no municipio de Castroverde, dentro do Mercado Gandeiro.

O posto informativo estará aberto de 10.30 a 13.30 horas na Feira de Castroverde, onde os veciños poderán informarse sobre a iniciativa e levar o seu composteiro gratuíto.

Esta é unha excelente oportunidade para reducir residuos e producir compost de calidade para xardíns ou hortas. Para garantir o teu composteiro, hai que reservalo a través da páxina web do Concello de Castroverde.