O Concello de Lugo organiza un obradoiro de danza para aprender coreografías grupais

Aínda é posible inscribirse neste obradoiro, dirixido a mozos e mozas, de entre 14 e 30 anos, apuntándose a través da web do Concello

A Área de Xuventude e Deportes do Concello de Lugo organiza un obradoiro de danza para aprender coreografías grupais de bailes urbanos, con música de Nadal, nos que se impartirán nocións básicas de hip hop, lockings, funk ou waaking, entre outros estilos que caracterizan e conforman os bailes urbanos.

Trátase dunha das novidades da programación de Nadal dirixida a mozos e mozas, e que pese a variedade de estilos será sinxela e doada e para a que non hai que ter nocións previas de danza.

Aínda é posible inscribirse neste obradoiro, dirixido a mozos e mozas, de entre 14 e 30 anos, apuntándose a través da web do Concello, na que xa están publicadas as bases e os formularios.