O Concello de Monterroso organiza un taller de emocións a través do movemento

Esta actividade está enmarcada dentro do Pacto de Estado contra a Violencia de Xénero

Con motivo do Día Internacional da Muller, o Concello de Monterroso organiza para o vindeiro domingo 9 de marzo un taller de emocións a través do movemento.

Esta actividade, que terá lugar ao longo da xornada, está pensada para fomentar a expresión e o benestar emocional a través da danza e do movemento corporal.

As persoas interesadas en participar deberán realizar a súa inscrición previamente, e poden obter máis información ou inscribirse chamando ao teléfono 629 610 484.

Esta actividade está enmarcada dentro do Pacto de Estado contra a Violencia de Xénero, co obxectivo de promover a igualdade e sensibilizar sobre a importancia de vivir unha vida libre de violencia.