O Concello de Palas de Rei recibiu unha subvención de 33.000 euros por parte da Xunta de Galicia destinada á mellora das infraestruturas no Parque Empresarial.
As actuacións previstas inclúen a pavimentación da zona de aparcadoiro, onde se crearán 24 novas prazas de estacionamento, así como a mellora do acceso á nova piscina que está en construción.
O alcalde palense, Pablo Taboada, agradeceu á Consellería de Industria a axuda concedida, destacando que esta inversión “repercutirá positivamente no empresariado palense”.
As obras serán executadas directamente polo propio Concello cun prazo de realización previsto dun mes.
