O Concello de Portomarín organiza a III Andaina ‘Que Reine o Bo Trato’ polo 25N

As persoas interesadas en participar xa poden apuntarse a través do número 621 197 440 antes do xoves, 21 de novembro

O Concello de Portomarín organiza a III Andaina ‘Que Reine o Bo Trato’ no marco das actividades que se promoven polo Día da Eliminación da Violencia contra a Muller, que se conmemora o día 25 de novembro.

Desta maneira, esta andaina desenvolverase o domingo, 24 de novembro, cun percorrido de 7 km con saída desde a praza do Concello ás 11.00 horas.

As persoas interesadas en participar xa poden apuntarse a través do número 621 197 440 antes do xoves, 21 de novembro, e cada participante terá un agasallo.

Ademais, durante a ruta, haberá diversos xogos, polo que desde o Goberno local recomendan roupa cómoda para poder camiñar, levar bebida para hidratarse e ir preparado para calquera previsión metereolóxica.