O conservatorio na rúa, o ciclo que achega a obra dos estudantes ao casco histórico de Lugo
Un novo ciclo de música chega a Lugo. A través de O conservatorio na rúa a área de Cultura e o Conservatorio Profesional de Música Xoán Montes achégase a obra das estudantes do conservatorio ás distintas prazas do casco histórico os días 29 e 30 de maio.
Maite Ferreiro explicou que "o obxectivo desta actividade é visibilizar as ensinanzas oficiais de música coas que contamos na cidade, e motivar ás estudantes, xa que poderán mostrar o aprendido durante os seus estudos ao mesmo tempo que dinamizan as rúas".
O ciclo O conservatorio na rúa contará con 3 concertos a cargo das distintas agrupacións do Conservatorio. O mércores 29, a partir das 17:30, a Banda Xosé Castiñeira dará o seu concerto na praza de Santa María, e ás 19:00 será a quenda da Banda Indalecio Fdez. Groba. O xoves 30, pechará a mostra a Orquestra de Grao Profesional do Conservatorio Xoán Montes.