O conxunto vogal Lugh, xunto con outros coros da cidade de Lugo, actuarán este Nadal

Esta iniciativa está promovida pola Área de Cultura da Deputación de Lugo dentro do programa 'Móvete' co fin de amenizar con música as rúas de Lugo

O conxunto vogal Lugh, xunto con outros coros da cidade de Lugo, contribuirá a aledar as rúas de Lugo nas festas do Nadal cantando panxoliñas durante dous días, este martes 17 de decembro e o vindeiro xoves, 26 de decembro.

Esta iniciativa está promovida pola Área de Cultura da Deputación de Lugo dentro do programa 'Móvete' co fin de amenizar con música as rúas de Lugo.

Así, a primeira delas será este martes, 17 de decembro, de 18.30 a 20.00 horas, onde esta agrupación estará na rúa San Pedro con rúa do Progreso, na rúa da Raíña, na rúa Armañá con Conde Pallares, e no Fondo da Plaza Maior.

Pola súa parte, o xoves 26 de decembro ás 18.00 horas, estarán na rúa Menorca, na Praza da Milagrosa, e na rúa Divina Pastora.