O Corgo celebra a súa festa de Entroido o vindeiro luns

O Corgo celebra a súa festa de entroido o vindeiro luns 20 de febreiro no pavillón municipal cun desfile de disfraces

O Corgo celebra a súa festa de Entroido o vindeiro luns 20 de febreiro no pavillón municipal.

A celebración dará comezo as 16.30 con xogos, colchonetas e música.

Ás 18.00 haberá un desfile de disfraces con vales de premios por categorías de 3 a 6 anos, de 7 a 10 e de 11 a 14 anos. As inscricións poderán realizarse a partir das 16.30 no pavillón.

Os disfraces poderán ser individuais ou en grupo e as idades para as categorías corresponden aos premios pero o desfile está aberto a calquera idade.

Esa tarde ademais realizarase a presentación da recompilación de Coplas do Entroido do proxecto Corgoral.

Haberá lambetadas e chocolate con churros para todos os disfrazados.