O Corgo celebra o Nadal Coral con actuacións durante todo o mes de decembro
O Concello do Corgo presenta a programación do Nadal Coral 2025, un ciclo de actuacións que percorrerá varias parroquias do municipio durante o mes de decembro, coa participación da Schola Gregoriana Lucensis.
As actividades comezarán o sábado 13 de decembro, ás 12:30 horas, na parroquia de Quetesende, cunha intervención na misa e interpretación de panxoliñas.
O programa continuará o domingo 14, ás 12:00 horas, na Laxosa, tamén durante a misa.
A terceira xornada celebrarase o domingo 21, con dúas actuacións: ás 10:30 horas en Arxemil e ás 13:00 horas en Marei, ambas enmarcadas na misa dominical.
O ciclo pecharase o mércores 31, ás 17:30 horas, cunha última actuación en Queizán, despedindo o ano coas tradicionais panxoliñas.
O Nadal Coral converterase así nun encontro musical que procura levar o espírito propio destas datas a diversas comunidades do concello.