O Corgo será a VII xornada viaxeira do Xeodestino Comarca de Lugo e Terras da Ulloa
Despois do éxito das últimas xornadas viaxeiras a semana pasada tivo lugar en O Corgo a presentación da sétima xornada viaxeira Descubrindo a Comarca de Lugo e as Terras da Ulloa con Guido Guía.
Felipe Labrada (alcalde do Concello de O Corgo), Lorena López (xerente do GDR 4 e do Xeodestino Comarca de Lugo e Terrras da Ulloa), e Guido Álvarez (impulsor do proxecto Guido Guía) anunciaron os primeiros detalles dun sábado 6 de abril no que volverán a reunirse historia, cultura, natureza, gastronomía e música tradicional.
Este proxecto engloba a 10 concellos das comarcas de Lugo e as Terras da Ulloa (Antas de Ulla, Castroverde, O Corgo, Friol, Guntín, Monterroso, Outeiro de Rei, Palas de Rei, O Páramo e Rábade) nos que nos vindeiros meses irán facéndose xornadas de presentación do que é un proxecto a longo prazo para poñer en valor as riquezas do territorio, e ao mesmo tempo promover vínculos sociais e culturais tanto de proximidade como con visitantes de máis lonxe que se animen a participar.
A inscrición para esta actividade é gratuíta, e pode facerse a través do correo info@comarcadelugo.gal e do teléfono 982 238 000.