O deporte protagonista das patronais: organizan o XXII Trofeo San Froilán de Rugby

O deporte será un dos grandes protagonistas nestas patronais. Este sábado, 5 de outubro, celebrarase en Lugo a XXII edición do Trofeo San Froilán de Rugby no Estadio Gregorio Pérez Rivera. O evento, organizado polo Muralla RC, contará cunha xornada completa de rugby na que se disputarán varios encontros con equipos das categorías inferiores e sénior.

A programación inclúe tres partidos principais. Ás 15.00 horas, terá lugar o partido da categoría M-14 entre o Muralla RC e o CR Ferrol e ás 16:10 horas, o equipo M-18 do Muralla RC tamén se enfrontará ao CR Ferrol. A partir das 17.40 horas, celebrarase un torneo triangular na categoría sénior masculina, no que competirán o Muralla RC, o Cowper Oviedo e o CR Ferrol. O evento está apoiado polo Concello de Lugo e promete ser unha excelente oportunidade para gozar do deporte do rugby e apoiar os equipos locais e visitantes.