O Dez Portas de Lugo abre as inscricións para o novo curso
O Club Dez Portas Tenis de Mesa dá inicio á nova tempada 2024/2025 e fai un chamamento a todas aquelas persoas interesadas en formar parte da súa gran familia deportiva. Baixo a dirección do recoñecido adestrador olímpico Cláudio Mendes, o club busca fomentar o tenis de mesa con ilusión, compromiso e, sobre todo, diversión.
Este equipo abre as súas portas a persoas de todas as idades e niveis. Desde os que queren iniciarse no mundo do tenis de mesa ata aqueles que buscan competición, pasando por aqueles que simplemente queren practicar un deporte que lles permita mellorar ao seu ritmo. Os interesados poden poñerse en contacto co club a través do correo electrónico dezportas@hotmail.com ou por WhatsApp no número 626 343 360, onde recibirán toda a información necesaria para unirse a esta gran familia.
O club destaca pola súa flexibilidade, ofrecendo solucións a quen non pode adestrar todos os días ou non pode cumprir cunha cota anual, propoñendo alternativas adaptadas a cada persoa. Ademais, animan a todos a probar o tenis de mesa, destacando que nunca se sabe se un deporte gusta ata que se experimenta.
A tempada 2024/2025 promete ser emocionante para o Club Dez Portas Ténis de Mesa, que agarda acoller novos membros na súa familia Dezportista. ¡Anímate a probar e forma parte deste proxecto deportivo!. Os adestramentos par os cativos serán luns, mércores e venres de 16.30 a 18.30 horas e os dos adultos Terán lugar de 18.30 a 20.00 no pavillón de tenis de mesa de Frigsa.