O Dez Portas organiza en Lugo un campus de verán de tenis de mesa

CD Dez Portas TM organiza un campus de verán para cativos de entre 6 e 14 anos cos adestradores do equipo para dar a coñecer o método co club co que se fomenta valores como o xogo limpo ou o respecto polo rival

O club Dez Portas

CD Dez Portas TM organiza un campus de verán para cativos de entre 6 e 14 anos do 24 de xuño ao 19 de xullo. Deste xeito, organizaranse xornadas de adestramento e diversión cos adestradores do equipo de 10.00 a 14.00 horas e darase a coñecer o método co club co que se fomenta valores como o xogo limpo, o respecto polo rival, o esforzo, a solidariedade e a amizade a través do deporte.

Trátase dunha experiencia segura seguindo o Protocolo de medidas hixiénico-sanitarias para o correcto desenvolvemento e participación nos DEZCampus. A actividade inclúe un equipamento deportivo por neno, composta de camiseta, comida e diploma.