O documental 'Prisciliano e a Gallaecia', de Aser Álvarez foi estreado en Lugo

Iria Castro destacou a importancia de contar con formatos divulgativos coma este documental para achegar a todo o público o coñecemento histórico

A deputada de Cultura Iria Castro participou na estrea do documental 'Prisciliano e a Gallaecia', de Aser Álvarez, que traza un perfil deste personaxe histórico a través dun percorrido polos xacementos arqueolóxicos relacionados coa súa figura.

No acto, que contou coa presenza do historiador e arqueólogo Diego Piay, estudoso de Prisciliano, e do pintor Xabier Correa Corredoira, Iria Castro destacou a importancia de contar con formatos divulgativos coma este documental para achegar a todo o público o coñecemento histórico, e máis cando se trata de figuras como a de Prisciliano abordado desde o punto de vista académico pero descoñecido a nivel popular como outros personaxes que desafiaron o poder".