O Entroido do Corgo encherá o pavillón municipal de xogos, música e chocolate con churros
O Concello do O Corgo e a Asociación de Veciños de Laxosa Airamonte impulsan unha nova edición do Entroido no municipio cun programa pensado para pequenos e maiores. A celebración desenvolverase no Pavillón Municipal do Corgo entre as 16:30 e as 20:00 horas, nunha xornada que combinará lecer, tradición e convivencia.
Durante a tarde haberá xogos, música e baile, ademais dunha merenda con chocolate con churros para as persoas asistentes. A programación completarase cun desfile de disfraces no que se repartirán premios, fomentando a participación tanto da cativada como das familias.
A iniciativa busca converter o pavillón nun punto de encontro festivo onde a veciñanza poida gozar dun Entroido participativo e cheo de ambiente, reforzando a colaboración entre o Concello e o tecido asociativo local.